Malena Clementsen fødd 13. januar 1888 í Oyndarfirði, doyði í 1964 í Oyndarfirði, har hon er grivin.

Foreldrini hjá Malenu vóru pápin Jens Pauli Clementsen 1855 – 1933, og mamman Elisabeth Cathrine Horn 1856-1903.

Jens Pauli Clementsen var av Syðradali í Kalsoynni og foreldur hansara vóru Clement Joensen 1812-1891 á Dunganum í Syðradali og Rachel Olesdatter 1810-1870 úr Gerðum norðuri í Vági.

Foreldrini hjá Clement Joensen vóru Joen Clementsen 1777-1857 eisini av Syðradali og Melene Jensdatter 1778-1855 av Blankaskála.

Foreldrini hjá Rachel Olesdatter vóru Ole Petersen 1769-1852 úr Norðoyri og Sophia Cathrina Joensdatter Ziska 1777-1837 úr Norðurstovu úr Gerðum Norðuri í Vági.

Mamman Elisabeth Cathrine Horn var úr Oyndarfirði og var dóttir Poul Poulsen 1830-1893 og Malene Joensdatter 1833-1914.

Poul Poulsen kom úr Tarti og var sonur Poul Haraldsen 1794-1871 og Elsebeth Pedersdatter 1794-1876 úr Stórustovu.

Malene Joensdatter kom úr húsinum hjá Gutta og var dóttir Joen Joensen 1794-1870 og Elsebeth Hansdatter 1801-1872. Foreldrini hjá Elsebeth Hansdatter vóru Hans Christiansen f. 1779 frá Gjógv og Anna Cathrina Jacobsdatter f. 1781 jarðarmóður, av Miðgerði í Kollafirði.